Jegerprøvekurs dei to første helgene etter påske

Kurset er obligatorisk for alle nye jegrar, og går over 30 timar med teori og praktisk øving

Stad:     Alversund skule og Lindås skytebane.

Tid:     Veke 16: Fredag 17. april . kl. 18.00- 21.00 på Alversund skule, laurdag 18. april kl.09.00 – 15.00 og søndag19 april kl. 09.00 – 15.00

Veke 17: Fredag 24. april kl. 18.00 -21.00, laurdag 25. april kl.09.00-15.00 på Lindås skytebane, og søndag 26. april kl.09.00 –16.00

Eksamen:   Søndag 26.april kl.14.00

Pris:     2.200 kr for personar frå 25 år, 1.800 kr for personar yngre enn 25 år.

I tillegg kjem lærebok (ca 3 –400 kr) og eksamensavgift til staten på 250,-

Hovudinstruktør: Bjørnar Dalseng

Vidare informasjon om jegerprøvekurset kan du få ved å venda deg til

Bjørnar Dalseng :

Tlf: 56 37 21 46 / 975.40.311

Eller til:

Jakt og Fritid- butikken i Knarvik.

Du kan melda deg på over telefon,eller senda ein E-post med påmelding

til: bjodals@online.no

Jegerkurset har avgrensa tal deltakarar, og opptak til kurset vert gjort etterkvart som deltakarane melder seg på.

Vel møtt til jegerprøvekurs.

Helsing Nordhordland Jakt og Fiskelag

Jegerprøvekurs

Orientering om jegerprøven / jegerprøvekursa til Nordhordland Jakt og Fiskelag.

Jegerprøvekurset:

Alle som skal driva jakt eller fangst må vera registrerte i jegerregisteret.For å verte registrert som jeger må du avlegga jegerprøven.For å kunne avlegga jegerprøven må du delta på eit jegerprøvekurs i regi av ein friviljug opplæringsorganisasjon. Kurset går over 30 timar.På grunn av det spesielle opplegget der vi avviklar kurset over 2 helger,vert det obligatorisk frammøte til alle kursøktene.Grunnen til det konsentrerte opplegget er at vi har mange skift- og nordsjøarbeidarar som deltar på kursa våre,og dei har vanskar med å delta på kurs som går over lengre tidsrom.Aldersgrensa for å ta jegerprøven er 14 år.

Kurstidene 1.veke: fredag kl.18.00 – 21.00 lørdag: kl.09.00 – 15.00 og søndag kl.09.00 – 15.00
2.veke:fredag kl.18.00 – 21.00 lørdag:utedag kl.09.00 – 15.00 og søndag kl.09.00 – 15.00

Eksamen: Søndag 2. veke. kl.14.00
Eksamen består av 50 oppgåver der du skal krysse av rett svar mellom 3 alternativ.

For å bestå eksamen må du ha minst 40 rette svar.Du får 1 time til eksamenssvaret og det blir retta så snart du har levert.Berekne deg tid fram til omlag kl. 16.00 før alt er ferdig og du har fått bevis for bestått eksamen.Dersom du ikkje består eksamen,vert det avtalt tid for ny prøve der og då.Du betaler ikkje ekstra for eitt ekstra forsøk,men dersom du stryk igjen,må du betale ny eksamensavgift til staten.

Lærebøker:Det er to godkjente lærebøker til jegerprøven: Jegerprøveboka og ABC til Jegerprøven.
Jegerprøveboka er den mest omfattande og dyraste,og kjem oftast i nye opplag. ABC til Jegerprøven er litt mindre omfattande,men har den store fordelen at dei bileta av fuglar og dyr som er gjengitt i den,er dei same som dei bileta som vert nytta til eksamen.Begge bøkene er grundige og gode.Mange vel ABC-en av di den er lettast å lesa og litt rimelegare enn Jegerprøveboka.Dei som nyttar Jegerprøveboka kan få Wiggo Ree si feltbok av meg.Det er bilete frå denne boka som vert nytta i eksamensoppgåva.

Internett: På www.njff.no finn du 3 av hovudemna,artskunnskap,hundar og lovar. Gå inn på heimesida til NJFF og finn ikonet Jegerprøven.Klikk deg inn på det og følg instruksjonane.Det er ein stor fordel å jobba godt med desse tre emna før kurset.Du finn også forskjellige testar dersom du nyttar søkarordet «jegerprøven» på internett.Alle emna vert gjennomgått på kurset.

Emne på jegerprøvekurset: Her er nokre av dei emna som vert tatt opp på kurset:
Jakt og haldningar.Jaktutøvinga slik at samfunnet kan akseptere den.Reglar for human jakutøving.
Våpen,ansvar og krav.Korleis eit våpen er oppbygd og fungerer.Reglar for sikker jaktutøving.Ammunisjon og sikkerheitssonar.Krav til jaktammunisjon.Bruk av kart og kompass.Kva er GPS?Jaktutstyr og utstyr for ivaretaking av viltet.Artskunnskap fuglar og pattedyr.Dei forskjellige jakthundrasane og deira bruk.Aktuelt lovverk som regulerer jakta og bakgrunnen for dette lovverket.Teori om skyting med hagle og rifle.Feller og fangst.Jakt og jaktformer på småvilt og storvilt.Ettersøk av skadd storvilt.Ivaretaking av felt vilt.
Praktisk øving med rundløype der ein tar opp emna transport og oppbevaring av våpen og ammunisjon,bekledning,postplassering avstandsbedømming mm.
Innskyting av haglgevær.
Skyting med hagle og salongrifle der ein får instruksjon av erfarne jegrar / skyttarar.


Tid for jegerprøvekurset våren -09: veke 16 og veke 17,det vil seia fredag _17.04 laurdag18.04,søndag 19.04 og fredag_24.4_laurdag 25.04_og søndag26.04 _31.08_
Eksamen:Søndag 26.april kl.14.00

Kurspris senior(25 år eller meir)_2.200_kr. Kurspris junior(under 25 år)_1800_kr.
Eksamensavgift til staten:__250 kr kjem i tillegg til kursavgifta og læreboka kostar omlag 400kr.

Stad: Alversund skule for teori og Lindås skytebane for praktisk opplæring.

Påmelding til: Svein Hjelmtveit:tel: 56 35 08 58 , Andre Michelsen tel: 56 37 21 02 ,Bjørnar Dalseng tel: 56 37 21 46 eller Nordhordland Jakt og Fritid a/s Tel:56 35 82 eller direkte i butikken.

Eksamenstips:
Det er ofte slik at mange av feila kjem i artskunnskapen,dvs.kjennskap til dei ymse dyre og fugleartane.I eksamensoppgåva er det alltid 10 bilete der du skal identifisere forskjellige dyr og fuglar.Det lønner seg difor å nytta tid på å læra seg dei mest vanlege jaktbare artane.Særleg kan det vera vanskeleg å kjenna att dei ymse ande- og gåseartane,og hugsa kva artar som har jakttid og kva artar som er totalfreda.
4 oppgåver er teikningar av jaktsituasjonar der du skal avgjera om det er sikkert eller lovleg å løysa skot .Ver særleg obs. på desse situasjonane: dyr i flokk,mordyr og kalv,dyr i fart,utrygg bakgrunn,jegrar som kan treffa kvarandre,bruk av motorkjøretøy til jakt.Skyt berre på frittståande dyr(hjortedyr) i ro,med sikker bakgrunn,og med dyret i slik stilling at du har 100%muligheit for treff i hjarte / lungeregion.
Andre spørsmål som ofte finst i eksamensoppgåvane er td. Definisjon på vilt (kva dyregrupper kjem inn under viltomgrepet),oppbevaring og transport av våpen og ammunisjon,reglar for bruk og opptak av hund,jaktrett,modningstid for viltkjøtt.
På kurset kjem vi til å arbeida med alle desse emna gjennom førlesning,gruppearbeid,og arbeid med oppgåver.
Skulle du lura på noko i samband med jegerprøvekurset kan du godt kontakta instruktøren,anten på telefon ellerpå e-post.



På vegner av Nordhordland Jakt og Fiskelag:Vel møtt til jegerprøvekurs.

Helsing
Bjørnar Dalseng
jegerinstruktør

Bjørnar Dalseng,
5939 Sletta
Tel: 56 37 21 46 / 97 54 03 11
E-post:bjodals@online.no